مجموعة جهاد لتتقيل شعر الأطفال

 الشعر الليس (الناعم):

ده بيكون مفرود جدًا من غير أي تموّج أو كسرات. ملمسه ناعم، وسهل التسريح، لكن ساعات بيكون خفيف وبيتأثر بسرعة بالعوامل الخارجية بسهولة زي الشمس أو المياه أو حمام السباحة. محتاج عناية خفيفة وزيوت خفيفة زي اللوز الحلو أو السمسم علشان يفضل صحي من غير ما يزيت أو يهيش.

أفضل زيوت لشعر الأطفال الليس

الشعر الليس، أو الشعر الناعم المفرود، بيبان إنه سهل ومش محتاج عناية كتير، بس الحقيقة إنه حساس جدًا لأي تغيير، وخصوصًا للزيوت التقيلة أو المنتجات اللي فيها مواد كيميائية. عشان كده، أهم حاجة في روتين العناية بيه إنك تحافظي على توازنه الطبيعي من غير ما ترهقيه أو تسيبيه يتزيّت بسرعة.

لو استخدمتي زيوت تقيلة على الشعر الليس، هتحسي بسرعة إن شكله بقى "ملزق"، وده بيخلي الطفل متضايق، وشكله مش مرتب. ف أفضل حاجة ممكن تعمليها هنا إنك تستخدمي زيوت خفيفة القوام وسريعة الامتصاص، ترطّب الشعر وتحافظ على نعومته من غير ما تخلي شكله مزيت.

أفضل اختيارين هما:

• زيت الجوجوبا: وده زيت خفيف جدًا، أقرب في طبيعته للزيوت اللي بتفرزها فروة الرأس نفسها. يعني بيساعد على ترطيب الشعر بطريقة طبيعية ومن غير ما يسيبه مزيت.
  
  
• زيت الأرجان: غني بفيتامين E، وبيغلف الشعرة بطبقة خفيفة تحميها من الجفاف والتقصف، ويدي لمعة ناعمة من غير أي إحساس بتزييت.

طريقة استخدامهم

 بعد ما تغسلي شعر طفلك، خدي نقط بسيطة جدًا من الزيتين وادمجيهم في إيديكي، وعديها بالراحة على أطراف الشعر بس. مش لازم تلمسي الجذور، علشان متخليش الشعر يزيت محافظة على خفة الشعر.

تقدري تعيدي الخطوة دي الصبح قبل ما يخرج المدرسة أو الحضانة، وهتشوفي بنفسك إن شعره هيفضل ناعم، مرتب، وفيه لمعة طبيعية من غير أي إحساس بالتزييت.

الشعر الويفي (المموج):

ده بيكون ما بين الليس والكيرلي، يعني فيه تموجات ناعمة بتبان أكتر في الأطراف أو بعد الغسيل. النوع ده بيحتاج ترطيب منتظم علشان التموّجات تفضل واضحة ومترتبة، من غير ما تتحول لهيشان. 

أفضل زيوت لشعر الأطفال الويفي

الشعر الويفي ليه طبيعته الخاصة اللي بتخليه مش سهل زي ما الناس متخيلة. هو مش ناعم زي الليس، ولا مجعد زي الكيرلي، لكن هو في النص، وعلشان كده محتاج روتين يحافظ على شكل التموجات من غير ما يخليها تتكعبل.

أول خطوة أساسية في العناية بالشعر الويفي هي إنك ما تبدأيش التسريح على طول، خصوصًا لو الشعر ناشف. استخدمي صوابعك الأول علشان تفكي التشابك بهدوء، وده هيقلل التقصف ويمنع إن التموجات تتكسّر أو تتحوّل لهيشان. الطريقة دي بتحافظ على الشكل الطبيعي للشعر، وبتخلّي التسريح أسهل بكتير، واعتمدي على زيوت بترطب زي السمسم، اللوز الحلو، بذور الكتان، وبعد الغسيل كسيروم زيوت خفيفة زي الجوجوبا.

طريقة استخدامهم

مرة في الأسبوع: حمام زيت خفيف
روتين أسبوعي مهم جدًا، بيساعد الشعر يحتفظ بترطيبه لمعانه، وبيمنع الجفاف اللي ممكن يبوظ شكل التموج.
استخدمي خلطة من:

• زيت السمسم: بيساعد على تنعيم الشعر وتغليف الشعرة .
• زيت اللوز الحلو: خفيف ومغذي، بيقوّي الشعر من الجذور، وبيمنع التساقط.
• زيت بذور الكتان: مناسب جدا لترطيب الشعر وبيحافظ على شكل التموجات.

سخنيهم شوية في حمام مائي، واعملي بيهم مساج لفروة الرأس، ووزّعيهم على باقي الشعر، وسيبيهم ساعة تقريبا قبل الغسيل.

بعد الغسيل: نقط بسيطة من زيت الجوجوبا

 زيت الجوجوبا خفيف جدًا وسهل الامتصاص، وده بيخليه مناسب للشعر الويفي. بعد ما تغسلي الشعر، حطي منه نقطة أو نقطتين على أطراف الشعر. الزيت ده هيحبس الترطيب جوه الشعرة، ويقلل من الهيشان اللي بيظهر أول ما الشعر ينشف، ويحافظ على شكل التموجات طبيعي.

وقت النوم: مخدة ستان بدل القطن

القطن بيشد الشعر ويمتص الزيوت الطبيعية منه، وده بيخلي الشعر يصحى الصبح مكعبل وهايش. لكن لما بنتك تنام على مخدة ستان، بيبقى فيه احتكاك أقل، والشعر بيحتفظ بترطيبه وشكله المظبوط. 

٣. الشعر الكيرلي (المجعّد):

وده بيكون فيه curls واضحة من بداية الشعرة في أول فروة الرأس. بيكون محتاج ترطيب عالي جدًا علشان الكيرليهات تفضل مظبوطة وشكلها حلو. كمان لازم نتجنّب التسريح وهو ناشف علشان دا بيخليه يهيش أكتر منفوش. 

أفضل زيوت لشعر الأطفال الكيرلي

لو شعر بنتك كيرلي، فأهم حاجة في روتين العناية هي الترطيب العميق عشان تحافظي على شكله مُرتب.
أفضل زيوت طبيعية ممكن تستخدميها معاه هي:

• زبدة الشيا: بترطب الشعر بعمق وبتحافظ على مرونة الكيرليهات وبتمنع الهيشان والتكسر.
• زيت بذور اليقطين: بيغذّي بصيلات الشعر وبيحفّز نموه، فبيساعد إن الشعر يطول ويبقى كثيف.
• زيت السمسم: غني بفيتامينات بترطب وتحمي الشعر من الجفاف، وبتدي لمعة صحية ونعومة طبيعية.

وفي وقت الخروج، استخدمي لها سيروم طبيعي مكون من:

• زيت الأرجان
• زيت الجوجوبا
• زيت بذور العنب

التلاتة دول مع بعض اخلطيهم بكميات متساوية عشان يكوّنوا سيروم خفيف يحافظ على الترطيب، يقلل الهيشان، ويخلي شعرها شكله مرتب طول اليوم.

• أقل من ٦ شهور

في أول 6 شهور، أهم حاجة مش إن الشعر يطول، لكن إن فروة الرأس تكون صحية ونظيفة. في المرحلة دي، الجلد بيكون حساس جدًا، وأي منتج تقيل أو مش مناسب ممكن يسبب تهيّج.

من أكتر الزيوت الآمنة في السن ده هو زيت جوز الهند.

• بيهدي الفروة.
• بيرطّبها بلطف.
• بيساعد كمان في التخلص من قشرة الرأس (cradle cap) اللي بتظهر عند الرضع في أول شهور.

لو القشرة دي موجودة عند طفلك، متحاوليش تشيليها بقوة أو تضغطي على فروة الرأس بفرشة ناشفة أو ضوافرك. استخدمي فرشة شعر ناعمة جدًا، ورطبي بلطف بزيت جوز الهند وسيبيه شوية قبل الغسيل.

ممكن كمان تستخدمي زيت اللوز الحلو، لأنه خفيف جدًا، وفيه فيتامينات مغذية للبشرة والشعر، زي فيتامين E، ومناسب للترطيب اليومي لفروة الرأس.

• من ٦ شهور لسنتين

من بعد ٦ شهور، شعر الطفل بيبدأ ياخد شكل مختلف شوية، ممكن تلاقيه بدأ يطول، أو فجأة بقى هايش، ناشف، أو حتى شكله خفيف وضعيف.

في السن ده، الشعر بيعدي بمرحلة انتقالية، وعلشان كده مهم نبدأ ندعمه بزيوت خفيفة تساعده يفضل مرطب وتقوي البصيلات.

الزيوت المناسبة في المرحلة دي:

• زيت الجوجوبا: شبه الزيوت الطبيعية اللي بتفرزها فروة الراس، وبيحافظ على الترطيب من غير ما يقفل المسام.
• زيت الأرجان: بيغذي الشعر، يقلل التقصف، ويدي لمعة طبيعية.
• زيت بذور العنب: بيساعد في تقوية الشعرة، وخصوصًا لو الشعر خفيف أو بيتساقط.

طريقة الاستخدام:
– استخدمي نقطة أو نقطتين على الشعر مرتين في الأسبوع،
– مع تدليك خفيف لفروة الرأس، وده بيساعد على تنشيط الدورة الدموية، ويحفز النمو بشكل طبيعي.

• أكبر من سنتين

من بعد السنتين، شعر الطفل بيبدأ يظهر بطبيعته الحقيقية، يعني نوع الشعر هيبدأ يوضح (كيرلي، ويفي، ليس)، وطبيعته هتثبت أكتر. في الوقت ده، ممكن تبدأي تدخّلي زيوت بتشتغل على مشاكل زي الهيشان أو التطويل أو التتقيل.

الزيوت المناسبة هنا:

• زيت الخروع: ممتاز لتقوية البصيلات وتحفيز نمو الشعر.
• زيت السمسم: بيرطّب الشعر بعمق، وبيحافظ على نعومته ولمعانه.
• زيت بذور اليقطين: غني بالزنك، وبيساعد الشعر يطول ويبقى أقوى.

لو عايزة تركزي على الطول، ممكن تزودي نقط بسيطة جدًا (ما تعديش تركيز ١٪) من زيت الروزماري العطري، بس لازم يكون مخفف بزيت حامل، وممنوع يتحط على فروة الراس لوحده.

ومهم جدًا تعملي اختبار حساسية قبل استخدام الزيوت العطرية، وتجربيها على جزء صغير من الجلد (زي ورا الأذن أو على الدراع)، وتستني ٢٤ ساعة علشان تتأكدي إنها آمنة لطفلك.

. الشعر الناشف

سبب المشكلة:
أكتر سبب بيخلي شعر الأطفال ينشف هو إننا بنغسله كتير من غير ما نرجع نرطّبه، سواء بزيوت أو كريمات مناسبة. كمان في أطفال فروة راسهم بطبيعتها مش بتفرز كمية كفاية من الزيوت، فالشعر بيبقى دايما محتاج ترطيب. ولو بنتك شعرها كيرلي أو ويفي، ف بيكون طبيعي إنه ينشف أسرع لإن كيرليهات الشعر نفسه بتمنع الزيوت توصل للأطراف بسهولة.

أحسن الزيوت الطبيعية لعلاجها:

• زبدة الشيا: مرطب قوي وبيغلف الشعر بطبقة تحافظ على رطوبته.
• زيت اللوز الحلو: خفيف على شعر الأطفال وبيساعد في تنعيمه.
• زيت السمسم: بيمنع جفاف الشعر ويقوّيه من الجذور للأطراف.

طريقة الاستخدام:

اخلطيهم بكميات متساوية، واستخدميهم في حمام زيت مرة أو مرتين في الأسبوع، سيبيهم على الشعر لمدة ساعة واغسليهم بعدها كويس جدًا بشامبو مناسب لشعر طفلك.

٢. الشعر اللي مش بيطول

سبب المشكلة:
فيه أطفال شعرهم فعلاً بيطول ببطء، وده طبيعي حسب الجينات. لكن في حالات تانية بيكون الشعر بيطول فعلاً، بس بيقع أو بيتكسر بسرعة قبل ما نلاحظ الطول، وده بيحصل لما الشعر مايبقاش متغذي كويس أو الأطراف تتقصف من غير ما ناخد بالنا.

أحسن الزيوت الطبيعية لعلاجها:

• زيت الخروع: تأثيره قوي جدًا في تحفيز نمو الشعر وتقوية البصيلات.
• زيت بذور اليقطين: غني بالزنك وده عنصر مهم للشعر بيساعده يطول بشكل صحي أكتر.
• زيت الجوجوبا: من ألطف الزيوت اللي بتساعد على ترطيب الأطراف لأن تركيبته مشابهه جدًا لتركيبة الزيوت الطبيعية في الشعر، وده هيساعد الشعر يطول ويبان عليه الطول بشكل أفضل.

طريقة الاستخدام:

اعملي مساج خفيف بفروة الرأس مرتين في الأسبوع باستخدام خلطة الزيوت دي وسيبيها كحمام زيت، واغسليها بعدها بساعة، وركّزي على التدليك أكتر من كمية الزيت نفسها.

ممكن تستخدمي زيت الجوجوبا بعد الغسل نقاط بسيطة على الأطراف عشان تحافظي على ترطيبها.

٣. الشعر الخشن

سبب المشكلة:
الشعر الخشن مش معناه إن فيه مشكلة، لكنه بيبقى محتاج ترطيب أكتر بكتير من الأنواع التانية، لأنه بيكون مسامه مفتوحة أكتر، فبيفقد الترطيب بسهولة، خصوصًا لو بيتغسل بشامبو قوي أو بيتسرّح وهو ناشف.

أحسن الزيوت الطبيعية لعلاجها:

• زيت الأرجان: بيغذي الشعرة بعمق ويخلي ملمسها أنعم.
• زيت جوز الهند: بيساعد على ترطيب الشعر وبيطريه ويحميه من التقصف.
• زيت السمسم: بيقفل المسام المفتوحة وبيحافظ على الترطيب جوا الشعر.

طريقة الاستخدام:

اخلطيهم بكميات متساوية، واستخدمي الزيوت دي كحمام زيت أسبوعي، وبعد الغسيل حطي نقط بسيطة من زيت الأرجان على الشعر وهو مبلول، علشان تفضل الشعرة ناعمة ومترطب.

٤. الشعر الخفيف وفيه فراغات

سبب المشكلة:
الشعر الخفيف ممكن يكون وراثة، أو نتيجة نقص في التغذية، أو حتى بسبب تسريحات شد الشعر لورا جامد. كمان فيه أطفال بيتولدوا بشعر خفيف جدًا، وده طبيعي، لكن لو الفراغات استمرت أو زادت، يبقى لازم نهتم أكتر بتغذية فروة الرأس.

أحسن الزيوت الطبيعية لعلاجها:

• زيت الخروع: بيكثف ويتقل الشعر وبيملا الفراغات.
• زيت بذور العنب: خفيف وسهل الامتصاص، بيساعد على تقوية الشعر.
• زيت اللوز الحلو:  بيغذي بُصيلات الشعر من الجذور، وبيخلّي الشعر يطول بشكل صحي. 

طريقة الاستخدام:

اخلطي الزيوت دي بكميات متساوية، واستخدميها كحمام زيت مرة كل أسبوع. بعد ما تغسلي الشعر، وهو لسه مبلول، حطي نقط بسيطة من زيت بذور العنب على الأطراف، علشان تحافظي على نعومة الشعر وترطيبه لأطول وقت.

٥. الشعر الهايش

سبب المشكلة:
الهيشان بيظهر لما الشعر مايبقاش مترطب كفاية أو بيتعرض لاحتكاك كتير، زي النوم على مخدة قطن، أو التسريح من غير ترطيب، أو حتى الخروج في الشمس كتير أو مياه حمام السباحة. وكل ده يخلي الشعرة تفقد شكلها الطبيعي وتهيش.

أحسن الزيوت الطبيعية لعلاجها:

• زيت الجوجوبا: خفيف، بيرطب من غير ما يزيت الشعر.
• زيت بذور العنب: بيدي لمعة حلوة وبيقلل الهيشان.
• زبدة الشيا أو زيت السمسم: لترطيب عميق، وخصوصًا في الروتين الأسبوعي.

طريقة الاستخدام:

اخلطي الزيوت دي بكميات متساوية، واستخدميها كحمام زيت مرة كل أسبوع، واستخدميها على الشعر قبل حمام السباحة. بعد ما تغسلي الشعر، وهو لسه مبلول، حطي نقط بسيطة من زيت بذور العنب على الأطراف، علشان تحافظي على الشعر من الهيشان لأطول وقت.

٦. الشعر الصعب تسريحه

سبب المشكلة:
لو كل مرة تسريحي فيها شعر بنتك بتحسي إنها حرب، فغالبًا السبب إن الشعر مش مترطب كفاية، أو بيتسرح وهو ناشف، أو الفرشة مش مناسبة. وكمان ممكن تكون طبيعة الشعر نفسها بتتشابك بسهولة، وده بيكون أحسن حل ليه هو الترطيب العميق والمستمر.

أحسن الزيوت الطبيعية لعلاجها:

• زيت السمسم: بيطرّي الشعر جدًا وبيسهّل التسريح من غير ما يشد أو يتكسر.
• زيت الجرجير: بيغذي الشعر من الجذور، وبيخليه أقوى وأقل عرضة للتشابك.
  زيت حبة البركة: مفيد جدًا في تقوية الشعر وتقليل الهيشان، وبيساعد إن التسريح يكون أسهل.
• زيت بذور الكتان: من الزيوت اللي بتنعّم الشعر بشكل طبيعي وبتساعد في فك التشابك، خصوصًا لو الشعر ناشف أو خشن.
• زيت الجوجوبا: مناسب جدًا كدهان يومي على الأطراف، بيساعد الشعر يفضل طري ومش متشابك طول اليوم.

طريقة الاستخدام:

 اعملي خليط من الزيوت (السمسم + الجرجير + حبة البركة + بذور الكتان) بكميات متساوية، واستخدميه مرة أو مرتين في الأسبوع كحمام زيت قبل الغسيل.
بعد الغسيل، ادهني الأطراف بنقطة من زيت الجوجوبا علشان الشعر يفضل ناعم ومش متشابك.

 أفضل زيت يختلف حسب نوع شعر الطفل، لكن الزيوت اللي بتناسب أغلب الأطفال هي: زيت اللوز الحلو، زيت الجوجوبا، وزيت السمسم. خفاف، مش بيسدوا المسام، وسهلين في الاستخدام.

 الزيوت اللي بتساعد على نمو الشعر فعلاً: زيت الخروع (بس اخلطيه مع زيت أخف)، زيت بذور اليقطين، وزيت الجرجير واللوز الحلو. بيغذوا البصيلات وبيحفزوا الدورة الدموية، وده بيشجع الشعر يطول.

 عشان شعر الطفل يتقل، لازم نهتم بتغذية فروة الرأس كويس ونقلل التقصف.
زيوت زي الخروع، الجرجير، وبذور العنب بتقوي الشعر وتقلله التساقط، ومع الوقت بيبان فيه الفرق.

 الأفضل نحط الزيت قبل الاستحمام كحمام زيت، مرة أو مرتين في الأسبوع.
يتساب ساعة أو ساعتين ويتغسل بشامبو خفيف. وفي الأيام العادية، ممكن نحط نقطة صغيرة على الأطراف بعد الغسيل.

مش لازم نحط زيت كل يوم، ده ممكن يسبب تراكمه على الشعر والفروة، اللي محتاجه الشعر هو ترطيب منتظم ومستمر.
نقطة صغيرة بعد الغسيل كافية، وحمام زيت مرة أو مرتين في الأسبوع كافي جدًا برضو.

آمنة جدًا، بشرط تكون نقية، من مصدر موثوق، ومتجربة قبل كده. وكمان لازم نعمل اختبار حساسية على جزء صغير من الجلد قبل الاستخدام، خاصة الزيوت العطرية.

 يفضل يتحط الزيت على شعر شبه مبلول أو رطب، علشان الشعر يحتفظ بالترطيب، والزيت يقفله جواه.

 لو الكمية صغيرة (نقطة أو نقطتين)، ينفع تتساب من غير غسل. لكن لو كمية كبيرة أو حمام زيت، لازم يتغسل علشان ميتراكمش على الشعر والفروة تفضل نظيفة.

 أفضل زيت للاستخدام اليومي هو اللي يكون خفيف ويمتص بسرعة زي: زيت الجوجوبا أو زيت اللوز الحلو، دول ينفعوا يتحطوا على الأطراف كل يوم من غير ما يزيتوا الشعر.