مجموعة تطويل الشعر وعلاج التساقط في 6 شهور بس!
لو شعرك بيتساقط وبيتكسر ومش بيطول مهما استخدمتي له من منتجات، الوصفة دي ليكي
- زيت اللوز الحلو
- الأفوكادو
- الروزماري
- اللافندر
- الجوجوبا
يعزز نمو الشعر
زيت الروزناري من الزيوت اللي بتساعد على نمو الشعر، وبتقلل من التساقط اللي ممكن يحصل نتيجة لأسباب كتير زي الوراثة أو التقدم في العمر.
المركبات العطرية القوية الموجودة في زيت الروزماري من ثراء بتنشط جذور الشعر، وبتساعد على نموه، وبتتشابه في تأثيرها مع تأثر المينوكسديل العلاج الأشهر لتساقط الشعر الوراثي.
يغذي فروة الرأس
فروة رأس صحية يعني شعر صحي.
زيت الروزماري من الزيوت اللي ليها خصائص مضادة للبكتيريا والفطريات، ودا بيساعد في الحفاظ على فروة راسك صحية، وبيحميها من المشاكل اللي ممكن تسبب التساقط أو تمنع نمو الشعر الصحي.
يعالج تساقط الشعر
تساقط الشعر ممكن يحصل بسبب مجموعة من العوامل، فهو ممكن يكون بسبب البيئة أو بسبب العادات الغذائية السيئة.
زيت الروزماري من الزيوت اللي تمت عليها دراسات كتير وبالفعل تم إثبات تأثيرها القوي لعلاج التساقط، وعشان كدا هو من أفضل الزيوت اللي ممكن تساعد في تطويل شعرك وتكثيفه وحمايته من التكسر.
يعالج القشرة
زيت الروزماري بيحتوي على خصائص مضادة للبكتيريا والفطريات بتساعد على تقليل القشرة وبتقضي علي أسبابها.
يقوي بصيلات الشعر
زيت اللافندر من الزيوت اللي بتساعد في تحفيز بصيلات الشعر، وبتقويها لأنه بيحسن من الدورة الدموية وبيساعد في وصول التغذية للشعر.
زيت اللافندر كمان معروف بخصائصه المضادة للبكتيريا و الفطريات ودا بيساعد في حماية الشعر من العوامل اللي ممكن تأثر على نموه وطوله.
بيحافظ على صحة الشعر
استخدام زيت اللافندر بانتظام بيساعد في تحسين نسيج الشعر عن طريق أنه بيرطب بصيلات الشعر وبيقلل التجعد وبيساعد في التحكم في تساقط الشعر.
بيقلل من التهابات فروة الرأس
عوامل البيئة المحيطة بينا ممكن تأثر بشكل كبير على صحة شعرنا، فمثلًا وجود عدوى فطرية أو التهاب في فروة الراس له تأثير كبير على نمو وطول الشعر.
من الفوايد المعروفة لزيت اللافندر للعناية بالشعر هو أنه بيساعد على إزالة القشرة والالتهابات البكتيرية، وطبيعته المهدئة بتساعد على تقليل الالتهاب وبالتالي بيساعد في نمو الشعر بصورة صحية وقوية.
بيعزز نمو الشعر بشكل أسرع
لأن المركبات العطرية الموجودة في زيت اللافندر بتساعد على تحفيز بصيلات الشعر أنها تنمو، وبيسهل عملية وصول التغذية ليها، ودا بدوره بيساعد على نمو الشعر، وبيقويه وبيطوله.
مغذي ومقوي للشعر
الأفوكادو من الزيوت الغنية بمجموعة كبيرة من مضادات الأكسدة وكمان غني بالبيوتين والمعادن والأحماض الدهنية الأساسية بالإضافة إلى الفيتامينات A وB-5 وE.
ودا بيساعد على تغذية الشعر، وبيساعد كمان على غلق المسافات اللي بتظهر بين خلايا البشرة وبتسبب تكسر وتقصف الشعر.
بيحفز نمو الشعر
لأن البيوتين من المكونات الطبيعية اللي موجودة في الأفوكادو، عشان كدا الزيت دا يعتبر محفز طبيعي لنمو الشعر بصورة صحية وكثيفة.
بيحافظ على لمعة الشعر
المعادن اللي بيتميز زيت الأفوكادو أنه غني بيها زي البوتاسيوم والمغنيسيوم، بتغذي الشعر وبتقفل المسافات اللي بين الخلايا السطحية واللي ممكن تسبب التلف، عشان كدا استخدام زيت الأفوكادو بيساعد الشعر أنه يظهر بمظهر ناعم ولامع.
بيرطب الشعر بعمق
الأفوكادو زيت مش دهني، ودا معناه أنه بيقدر يغذي شعرك وفروة راسك من غير ما يزود إحساس التزييت فيهم.
كمان هو غني بحمض الأوليك والدهون الأحادية غير المشبعة، ودا السبب في كونه واحد من الزيوت القليلة اللي بتقدر أنها تخترق جذع الشعرة وترطبها من جوه.
بيحافظ على صحة فروة الراس
زيت الأفوكادو بيحتوي على مجموعة من الفيتامينات والدهون اللي بترطب وتغذي فروة الرأس الجافة.
كمان هو بيزود تدفق الدم إلى فروة الرأس ودا بيحفز نمو البصيلات، وبيساعد في خلق بيئة صحية لنمو الشعر، وبيقلل التساقط.
تنعيم شعرك
زيت اللوز الحلو من الزيوت المطرية للشعر، بمعنى أنه بيقدر يسد الفجوات اللي بين خلايا سطح الشعراية، ودا بيخلي تمشيط الشعر وتصفيفه أسهل بكتير، وكمان بينعم الشعر وبيحافظ عليه لامع وطري.
بيقوي الشعر
استخدام زيت اللوز الحلو على الشعر بيقلل من احتكاك الشعر أثناء التصفيف بسبب محتواه الغني بحمض اللينوليك وحمض الأوليك، ودا بيخلي الشعر مرن أكتر، وبيقويه وينعمه مع الوقت.
بيحفز نمو الشعر
نظرًا لأن زيت اللوز بيخلي شعرك أقوى وبيقلل من تعرضه للتلف، فهو بيسمح لشعرك بالنمو بمعدله الطبيعي من غير ما المعدل دا يتأثر أو يقل بسبب الأطراف المتقصفة أو التالفة.
كمان هو غني بفيتامين E ودا بيعمل كمضاد للأكسدة وبيحمي شعرك من عوامل البيئة الضارة اللي بتأثر عليه وتسبب تلفه.
بيرطب الشعر
زيت الجوجوبا عنده خصائص ترطيب قوية بتخليه من أهم الزيوت المرطبة للشعر،
ودا بيرجع لأنه بيحتوي على أحماض البيهينيك والأوليك اللي بتقوي جذور بصيلات شعرك وبتحافظ على توازن الزيت في فروة رأسك.
بيحفز نمو الشعر
زيت الجوجوبا غني بالفيتامينات والمعادن، ودا بيساعد في تعزيز صحة الشعر.
لأنه الفيتامينات B وC وE والمعادن زي الزنك والنحاس بتساعد على تغذية نمو شعرك وبتخليه قوي وكثيف.
بيصلح تلف الشعر
زيت الجوجوبا بيستخدم لعلاج تلف الشعر الناتج عن أدوات التصفيف والعلاجات الكيميائية، لأن استخدام زيت الجوجوبا على شعرك بيعمل زي طبقة واقية بتحمي شعرك من أضرار الحرارة.
بيحافظ على التوازن الطبيعي لفروة الرأس
زيت الجوجوبا بيحتوي على خصائص مضادة للأكسدة ومضادة للميكروبات تساعد على توازن درجة حموضة في فروة رأسك واستعادة الرطوبة الطبيعية فيها. عشان كدا هو مش بيسبب تزييت الشعر، لكنه بيرطب شعرك من غير ما يخليه دهني.
