زيت العرقسوس

• ضروري جدًا تقفلي إزازة الزيت كويس بعد ما تخلصي استخدامه، عشان ميحصلش أكسدة للزيت، وريحته وجودته تتأثر مع الوقت.
• إزازة الزيت معتمة ودا بيساعد في حماية الزيت من التأثير الضار لأشعة الشمس على جودته لكن دايمًا بننصح أنك تحفظي الزيت بعيد عن ضوء الشمس المباشر.

• تجنبي ملامسته للعين ولو حصل اشطفيه كويس بالمياه الفاترة.
• لو الزيت اتغير لونه أو ريحته وقّفي استخدامه.
• قبل ما تستخدمي الزيت على بشرتك أو شعرك مهم تعملي اختبار الحساسية عشان تتأكدي إن الزيت مناسب لبشرتك ومفيش أي حساسية منه
• يحفظ بعيد عن متناول الأطفال.

• أي زيت من زيوت ثراء بيتم تعبئته في عبوات مظلمة، عشان تحمي مكوناته ومركباته الكيميائية من أشعة الشمس المباشرة.
• خزني الزيت في مكان بارد وجاف
• في درجة حرارة الغرفة، وابعديه تمامًا عن أشعة الشمس المباشرة.
• استخدمي الزيت خلال فترة صلاحيته فقط.

أيوة، زيت العرقسوس، بيحتوي على مركب اسمه جلابريدين، وهو معروف بخصائصه القوية اللي بتشتغل على تفتيح البشرة. 

مركب الجلابريدين بيشتغل عن طريق أنه  بيقلل من تأثير إنزيم اسمه التيروزيناز، وهو الإنزين الأساسي اللي بيشارك في عملية إنتاج الميلانين.

الميلانين هو المركب المسؤول عن لون البشرة والشعر، واللي بيتكون في بشرتنا بصورة طبيعية، وعن طريق تثبيط الإنزيم دا بيقدر العرقسوس أنه يقلل من إنتاج الميلانين، وبالتالي بيقدر أنه يفتح البشرة بصورة تدريجية، ويعالج التصبغات اللي فيها.

زيت العرقسوس من الزيوت اللي فعلًا تأثيرها قوي جدًا لعلاج التصبغات وتوحيد لون البشرة، ومن أهم استخداماته أنه بيستخدم لعلاج البقع وآثار الحبوب، لكن لو هتستخدميه للغرض دا تحديدًا ف احنا بننصحك تخلطيه مع زيت الروزهيب لأنه كمان بيسرع من تجديد الخلايا، واستخدام الزيتين دول مع بعض هيضمن لك نتايج أفضل بكتير من أنك تستخدمي كل نوع منهم لوحده

مسامية الشعر هي قدرة الشعر على امتصاص الرطوبة من الجو والمنتجات المستخدمة على الشعر. وهي عبارة عن 3 أنواع مسامية الشعر:

1. مسامية الشعر المنخفضة: بتكون مسام فروة الشعر قليلة بشكل بيصعب امتصاص الرطوبة منه. وعشان المسام الواسعة قليلة او مقفوة، من الأفضل تستخدمي زيت جزيئاته صغيرة وخفيف
2.  مسامية الشعر المتوسطة: بتكون مسام فروة الشعر متوسطة وبتمتص الرطوبة بشكل معتدل.
3. مسامية الشعر العالية: بيكون الشعر فيه مسام أكتر وبيمتص الرطوبة بسهولة، لكن مع الأسف بيفقد ترطيبه بسرعة بردو.

فيه اختبار بسيط بتعرفي تحددي منه نوع مسامية شعرك بكل سهولة:

1. اغسلي شعرك وهاتي شعراية من شعرك المغسول وحطيها في كوباية مياه.
2.  غطي الكوباية وسيبيها من دقيقتين لـ 4 دقايق.
3.  بعدها استني من 5 ل 10 دقايق وبصي على الشعراية.