روتين الحماية من الحبوب الطبيعي
لو بشرتك دهنية ومعرضة للحبوب، روتين ثراء الطبيعي هيخلي بشرتك نظيفة، صافية، وخالية من الحبوب. لأنه هيساعدك في تقليل الالتهابات وتنظيم دهون البشرة، وكمان هيرطبها ويهدّيها. ودا هيخلي بشرتك صحية ونضرة، ومحافظه على توازنها الطبيعي.
- صابون الروزماري والشاي الأخضر
- تونر الشاي الأخضر
- چل الصبار
صابونة الجلسرين بالروزماري وزيت شجرة الشاي تعتبر من أفضل الخيارات للبشرة الدهنية والمعرضة للحبوب. المكونات الطبيعية الموجودة فيها مش بس بتساعد في تنظيف البشرة، لكن كمان بتقدم فوائد كبيرة وفعالة للمشاكل اللي بتواجهها البشرة الدهنية.
زيت الروز ماري من الزيوت الطبيعية اللي ليها تأثيرات مذهلة على البشرة. من أهم فوائده أنه بيعمل على تحسين الدورة الدموية في البشرة. الدورة الدموية السليمة بتساعد في إيصال الأوكسجين والمواد المغذية للبشرة، وده بيخلي البشرة تبدو أكتر نضارة وصحة. كما أنه بيعمل على تنظيف البشرة من الأعماق. زيت الروز ماري بيحتوي على خصائص مضادة للبكتيريا والفطريات، وده بيخليه مفيد جدًا في منع تكوّن الحبوب. لو بشرتك دهنية، زيت الروز ماري بيحافظ على توازن الدهون فيها، بيقلل من إفراز الدهون الزائدة وده بيساعد في منع انسداد المسام وظهور الحبوب.
أما زيت شجرة الشاي، فهو من أشهر الزيوت في العناية بالبشرة الدهنية. زيت شجرة الشاي معروف بإنه مضاد للبكتيريا والفطريات بشكل قوي، وده بيخليه فعال جدًا في مكافحة الحبوب اللي بتظهر نتيجة لتراكم البكتيريا في المسام.
زيت شجرة الشاي مش بس بيقلل الحبوب الموجودة، لكنه كمان يمنع ظهور الحبوب الجديدة بفضل خواصه المضادة للبكتيريا.
أما الجلسرين فهو مكون طبيعي بيساعد في ترطيب البشرة بفعالية كبيرة، لأنه بيقدر يمتص الرطوبة من البيئة حواليك ويحتفظ بها في البشرة.
يمكن واحدة من أهم المشاكل اللي بتواجه أصحاب البشرة الدهنية هي جفاف بشرتهم بعد أي غسول وده لأن معظم الغسولات بتسبب جفاف للبشرة لأنها بتشيل الزيوت الطبيعية اللي بتفرزها البشرة، لكن الجلسرين بيمتص الماء من الهواء ويحفظه في البشرة، وده بيخلي البشرة مش بس نظيفة لكن كمان مرطبة و ناعمة.
تونر الشاي الأخضر بيتشغل على تنظيم إفراز الزيوت بشكل طبيعي، وده بيقلل من اللمعان الزائد اللي بيكون منتشر عند أصحاب البشرة الدهنية.
كمان بيحتوي على مضادات أكسدة قوية بتساعد في محاربة البكتيريا وتقليل الالتهابات، وبالتالي بيمنع ظهور الحبوب ويعالجها لو كانت موجودة.
التونر كمان بيعمل على تنقية المسام وتنظيف البشرة بعمق، وده بيساعد في الحفاظ على بشرة نظيفة وصحية. إضافة لده، الشاي الأخضر ليه خصائص مهدئة، اللي بتساعد على تقليل الاحمرار والتهيج اللي بيصاحب الحبوب، فبيخلي البشرة شكلها صافي ومفيش فيها أي شوائب.
چل الصبار هو مكون طبيعي رائع للبشرة الدهنية والمعرضة للحبوب بفضل فوايده المتعددة. أولًا، هو معروف بخصائصه المهدئة، اللي بتساعد على تهدئة البشرة المتهيجة أو اللي فيها التهابات نتيجة الحبوب.
كمان بيحتوي على مضادات بكتيريا بتساعد في تقليل الحبوب ومنع ظهورها بشكل مستمر.
علاوه على كده، جل الصبار بيرطب البشرة من غير ما يسبب دهون، وده بيساعد على تحقيق توازن في البشرة الدهنية من خلال ترطيبها بعمق من غير ما يعزز إفراز الزيوت. لو بشرتك في التهاب أو احمرار، الصبار هيساعد في شفاء البشرة بسرعة ويقلل من الاحمرار والالتهاب ده.
بالإضافة لكده، جل الصبار بيساهم في تحسين مرونة البشرة وبيحافظ على حاجز البشرة الطبيعي، وبالتالي بيحميها من العوامل الضارة وبيخليها صحية ونضرة.
