زيت الليمون - Citrus Limon

مهم أنك تقفلي إزازة الزيت كويس بعد ما تستخدميه، عشان ميحصلش أي أكسدة للزيت، وجودته تتأثر مع الاستخدام والوقت.

إزازة زيت الليمون من ثراء معتمة ودا بيحمي الزيت من أي تأثير ضار لأشعة الشمس المباشرة، وبيحافظ على جودته، لكن دايمًا بننصح أنك تحفظي الزيت بعيد عن ضوء الشمس المباشر.

• قبل ما تستخدمي الزيت على بشرتك أو شعرك ضروري تعملي اختبار الحساسية عشان تتأكدي إن الزيت مناسب لبشرتك ومش عندك أي حساسية منه.
• تجنبي ملامسته للعين ولو حصل اشطفيه كويس بالمياه الفاترة.
•  لو الزيت اتغير لونه أو ريحته في أي وقت وقفي استخدامه علطول
• يحفظ بعيد عن متناول الأطفال.

• أي زيت من زيوت ثراء بيتم تعبئته في عبوات مظلمة، عشان تحمي مكوناته ومركباته الكيميائية من أشعة الشمس المباشرة.
• حافظي علي الزيت بأنك تخزنيه في مكان بارد وجاف، في درجة حرارة الغرفة، وبعيد تمامًا عن أشعة الشمس المباشرة.
• استخدمي الزيت خلال فترة صلاحيته فقط.

زيت الليمون هو زيت عطري مركز بيتم استخلاصه من قشور الليمون. الزيت ده بيتميز برائحة منعشة وقوية، وهو غني بمركبات طبيعية زي الليمونين والسيترال اللي ليها فوايد كتير للبشرة والجسم. الزيت بيُستخدم في العناية بالبشرة والشعر وليه فوايد كتير مختلفة.

لأ، زيت الليمون مش زيت مستخلص من البذور. هو زيت عطري بيتم استخلاصه من قشور الليمون، مش من البذور نفسها. قشور الليمون هي اللي بتحتوي على المركبات الفعالة اللي بتدي الزيت خواصه وفوايده المميزة.

زيت الليمون بيتم استخلاصه من قشور الليمون باستخدام طريقة التقطير بالبخار ، العملية دي بتضمن الاحتفاظ بالمركبات العطرية والزيوت الطبيعية الموجودة في القشور من غير ما تفقد جودتها. بيتم تجميع كمية كبيرة جدًا من القشور عشان نستخرج منها الزيت، لأنه مركز جدًا وبيحتاج كميات كبيرة لإنتاج كمية صغيرة من الزيت.

أيوه، زيت الليمون معروف بقدرته على تفتيح البشرة وتوحيد لونها لأنه بيقلل التصبغات وبيساعد في تجديد خلايا الجلد. المركبات الفعالة فيه زي السيترال بتشتغل على تفتيح البقع الداكنة وتحسين مظهر البشرة. لكن دايمًا لازم تخففيه بزيت ناقل قبل الاستخدام وتستخدميه بحذر، خاصة لو هتتعرضي للشمس.

أيوه، زيت الليمون بيساعد في تقليل ظهور التجاعيد لأنه غني بمضادات الأكسدة زي الليمونين والجارانيال. المركبات دي بتحفز إنتاج الكولاجين وبتجدد خلايا البشرة، وده بيخلي الجلد أكتر مرونة وشباب. مع الاستخدام المنتظم، ممكن تلاحظي فرق واضح في نعومة البشرة وتقليل الخطوط الدقيقة.

زيت الليمون ممكن يساعد في تفتيح لون الشعر بشكل طبيعي، وده بسبب وجود حمض الستريك (Citric Acid) في الليمون اللي بيساعد على تكسير صبغة الميلانين في الشعر عند التعرض للشمس. لو استخدمتي زيت الليمون على شعرك وعرّضتيه لضوء الشمس لفترة، ممكن تلاحظي إن لون شعرك بقى أفتح بشكل تدريجي، لكن دا مش دايمًا بيحصل، ومش نتيجة ثابتة مع كل الناس. الطريقة دي بتكون أكتر وضوح على الشعر الفاتح أو البني الفاتح. لكن مهم تستخدمي الزيت بحذر ومتكرريش الاستخدام كتير عشان ما يسببش جفاف للشعر.