زيت القهوة

• اقفلي الزيت كويس جدًا بعد ما تستخدميه عشان تضمني أنه ميحصلوش أكسدة وجودته تتأثر أو تقل مع الوقت
• عبوة زيت القهوة من ثراء معتمة، وبتمنع أشعة الشمس أنها تأثر على جودة الزيت، لكن من الأفضل تحفظيه بعيدًا تمامًا عن أشعة الشمس المباشرة.

• تجنبي ملامسته للعين ولو حصل اشطفيه كويس بالمياه الفاترة.
• تجنبي استخدام الزيوت العطرية بصورة مباشرة على الجلد وعلى فروة الرأس، لأنها ممكن تسبب لك التهاب أو احمرار.
• قبل ما تستخدمي أي نوع من الزيوت أو الخلطات على بشرتك أو شعرك ضروري تعملي اختبار الحساسية عشان تبقى متأكدة إن الزيت مناسب لطبيعة بشرتك وفروة راسك ومش عندك أي حساسية منه.
• لو حصل ولاحظتي أي تغيير في لون أو ريحة الزيت وقّفي استخدامه.
• يحفظ بعيد عن متناول الأطفال.
• في حالة الحمل، تجنبي استخدام الزيوت العطرية من غير استشارة  الطبيب المعالج.

• زيوت ثراء الطبيعية بيتم تعبتئتها في عبوات من الزجاج المعتم، ودا عشان الزيت يكون محمي دايمًا من أشعة الشمس المباشرة.
• خزني الزيوت في  مكان جاف وبارد، وفي درجة حرارة الغرفة، وابعديه عن أشعة الشمس المباشرة.
• ممكن تحفظي الزيت في التلاجة، لكن بلاش تحفظيه في الفريزر.
• عشان تحافظ على أفضل نتايج، استخدمي الزيت في فترة صلاحيته فقط.

زيت القهوة بيحتوي على كمية مركزة من الكافيين، والكافيين معروف بقدرته على تضييق الأوعية الدموية خاصة في منطقة تحت العين، ودا بدوره بيساعد في تحسين شكل الهالات السودة، وبيساعد في علاجها.ومن أهم فوايد زيت القهوة في علاج الهالات السودا:تضييق الأوعية الدموية:زي ما قلنا الكافيين بيعمل انقباض في الأوعية الدموية، ودا بيساعد في تقليل الانتفاخ وبيقلل من ظهور الهالات السوداء وبيحسن من مظهرها.مضاد قوي للأكسدة:بيحتوي زيت القهوة على مضادات الأكسدة القوية اللي بتحمي البشرة الحساسة تحت العين من الجذور الحرة وبتساعد على الحد من ظهور علامات الشيخوخة.تنشيط الدورة الدموية:الكافيين بيحفز تدفق الدم لمنطقة تحت العين، ودا بيساعد في تحسين منطقة حوالين العين، وبيخليها صحية ومش منتفخة.مهم تعرفي أن استخدام زيت القهوة لمنطقة تحت العين مهم أنه يتم بعد ما تخففيه بزيت ناقل خفيف زي زيت الجوجوبا، لأن استخدامه مباشرة علي المنطقة دي ممكن يسبب لك حساسية أو التهاب.ضروري برضو تعرفي أن علاج الهالات مش بيتم باستخدام منتج واحد لعلاجها، لكنه بيتم بأنك تغيري ستايل حياتك كله لستايل صحي أكتر، وأنك تحاولي تبعدي عن بعض العادات المضرة زي السهر أو استخدام الشاشات لفترات طويلة من غير راحة وغيرها.وضروري لو سبب الهالات عندك مرضي نتيجة لأنييميا أو نقص مخزون الحديد أنك تعالجي السبب دا قبل ما تستخدمي أي منتج موضعي لعلاجها.ممكن استخدم زيت القهوة لعلاج التساقط؟آه، زيت القهوة من الزيوت اللي ليها تأثير كبير في علاج التساقط، ودا بسبب محتواه الغني من الكافيين اللي بيحفز بصيلات الشعر وبيسرع من نموه، وبيقلل من تساقطه.من أهم فوايد زيت القهوة لعلاج التساقط:

• تحفيز نمو بصيلات الشعر: الكافيين بيعزز نمو بصيلات الشعر، عن طريق أنه بيطول من مرحلة “النمو” ودي مرحلة من مراحل دورة نمو الشعراية من فروة الراس، وهيا اللي بيزيد فيها طول الشعراية.
• بينشط الدورة الدموية في فروة الراس: الكافيين بيزود من تدفق الدم لفروة الراس، ودا بيساعد علي وصول العناصر الغذائية المفيدة والأساسية لبصيلات الشعر، وبالتالي بيساعد على نموها.
• بيقلل تأثير هرمون DHT: الكافيين بيقلل من تأثير هرمون الديهيدروتستوستيرون (DHT) وهو هرمون بترتبط زيادته بزيادة تساقط الشعر، وبزيادة احتمالية التعرض للصلع الوراثي.

مسامية الشعر هي قدرة الشعر على امتصاص الرطوبة من الجو والمنتجات المستخدمة على الشعر. وهي عبارة عن 3 أنواع مسامية الشعر:

1. مسامية الشعر المنخفضة: بتكون مسام فروة الشعر قليلة بشكل بيصعب امتصاص الرطوبة منه. وعشان المسام الواسعة قليلة او مقفولة، من الأفضل تستخدمي زيت جزيئاته صغيرة وخفيف
2.  مسامية الشعر المتوسطة: بتكون مسام فروة الشعر متوسطة وبتمتص الرطوبة بشكل معتدل.
3. مسامية الشعر العالية: بيكون الشعر فيه مسام أكتر وبيمتص الرطوبة بسهولة، لكن مع الأسف بيفقد ترطيبه بسرعة بردو.

فيه اختبار بسيط بتعرفي تحددي منه نوع مسامية شعرك بكل سهولة:

1. اغسلي شعرك وهاتي شعراية من شعرك المغسول وحطيها في كوباية مياه.
2.  غطي الكوباية وسيبيها من دقيقتين لـ 4 دقايق.
3.  بعدها استني من 5 ل 10 دقايق وبصي على الشعراية.