زيت السمسم

اقفلي الإزازة كويس بعد الاستخدام عشان الزيت ميحصلوش أكسدة ويفقد جودته مع الوقت · إزازة الزيت مظلمة فبتمنع تأثير أشعة الشمس على جودة الزيت، لكن من الأفضل بردو حفظ الزيت بعيد عن ضوء الشمس المباشر · يفضل تخزينه في مكان بارد وجاف في درجة حرارة الغرفة
ممكن حفظه في التلاجة بشرط ميكونش في درجة حرارة منخفضة جدًا · استخدميه خلال فترة صلاحيتها فقط.

يسمح بالاسترجاع أو الاستبدال والمنتج بحالته الأصلية لم يُفتح أو يُستخدم · الإبلاغ خلال 7 أيام من الطلب أو 24 ساعة من الاستلام · استرجاع منتج سليم: العميل يتحمل رسوم 30 جنيه · منتج تالف أو به عيب: ثراء تتحمل كامل الرسوم + كوبون هدية · مدة استرجاع المبلغ من 24 ساعة إلى يومي عمل بعد وصول المنتج.

زيت السمسم و جميع الزيوت المتوفرة في ثراء ، مناسبة للإستخدام الخارجي فقط، للبشرة و الشعر و الجسم، غير مناسبة للإستخدام الداخلي بأي شكل من الأشكال.

زيت السمسم من الزيوت اللي ليها خاصية تهدئة الالتهابات البسيطة والمزمنة في البشرة (زي الجفاف أو التهيّج الخفيف)، وده موضّح في بيانات المنتج.
لكن لو الالتهاب شديد - يعني فيه احمرار قوي، تورم، حرارة في المكان، إفرازات، أو جروح مفتوحة - الأفضل متستخدميش أي زيت عليه من غير استشارة طبيب جلدية الأول، لأن الالتهاب الشديد ممكن يكون له سبب تاني (عدوى بكتيرية أو فطرية، أكزيما شديدة، حساسية تلامسية) محتاج علاج طبي مش بس زيت طبيعي.
كمان الزيت على جرح مفتوح أو التهاب نشط ممكن يأخر التئامه أو يزوّد تهيجه.
زيت السمسم مناسب للتهدئة اليومية والالتهابات البسيطة كجزء من روتين العناية، لكن مع أي التهاب شديد أو غير واضح السبب، الأفضل استشارة طبيب الجلدية الأول قبل استخدام أي زيت أو منتج.

أيوة، زيت السمسم ينفع لوحده للترطيب والروتين اليومي للشعر و الجسم ، والخلطات بتزود الفعالية حسب المشكلة (علاج التساقط، التطويل، التكثيف، ترطيب أعمق).

الشيب مش بيتعالج بالزيوت أو أي منتج غير الصبغات أو الحنة اللي بيداروه و بيحتاجوا تكرار كل فترة، لأنه غالبًا عامل وراثي صعب التحكم فيه.
لكن الاستخدام المنتظم لزيت السمسم ممكن يغمق الشعر شوية بسيطة، مش علاج نهائي لتقليل ظهور الشعر الأبيض.

بيعتمد على مسامية شعرك. لو مساميتك منخفضة، استخدميه بكمية بسيطة جدًا أو كحمام زيت أسبوعي عشان ميبقاش تقيل على شعرك.
لو مساميتك متوسطة أو عالية، ينفع تستخدميه بشكل يومي لترطيب الشعر من غير مشكلة.