زيت الخروع

اقفلي الإزازة كويس بعد الاستخدام عشان الزيت ميحصلوش أكسدة ويفقد جودته مع الوقت · إزازة الزيت مظلمة فبتمنع تأثير أشعة الشمس على جودة الزيت، لكن من الأفضل بردو حفظ الزيت بعيد عن ضوء الشمس المباشر · يفضل تخزينه في مكان بارد وجاف في درجة حرارة الغرفة · ممكن حفظه في التلاجة بشرط ميكونش في درجة حرارة منخفضة جدًا · استخدميه خلال فترة صلاحيتها فقط.

يسمح بالاسترجاع أو الاستبدال والمنتج بحالته الأصلية لم يُفتح أو يُستخدم · الإبلاغ خلال 7 أيام من الطلب أو 24 ساعة من الاستلام · استرجاع منتج سليم: العميل يتحمل رسوم 30 جنيه · منتج تالف أو به عيب: ثراء تتحمل كامل الرسوم + كوبون هدية · مدة استرجاع المبلغ من 24 ساعة إلى يومي عمل بعد وصول المنتج.

ايوة للأسف، لو استخدمناه غلط زي الاستخدام يوميًا كدهان لوحده على الفروة من غير تخفيف و من غير غسيل، لأنه تقيل وبيغلف الشعراية.
الحل: استخدميه مخلوط مع زيوت أخف كحمام زيت نص ساعة وبعدين اغسليه كويس بالشامبو.

أيوه، كتير بيستخدموه لتطويل وتكثيف الحواجب. حطي نقطة صغيرة جدًا بفرشاة نضيفة أو عود قطن على الحواجب بالليل، و اغسليه كويس بالغسول بعد ساعة.
بالنسبة للرموش، الأفضل اننا نستخدم منتجات من الصيدلية يكون قوامها مائي، لأن الزيوت ممكن تسبب حبوب دهنية في جفن العين او أضرار مختلفة.

خدي خصلة شعر تكون واقعة من شعرك (تكون نظيفة تماما و مش عليها اي منتجات).
• حطيها في كوباية مية في درجة حرارة الغرفة.
• استني من 2 لـ 5 دقايق ولاحظي:
• طافت فوق المية → مسامية منخفضة (Low Porosity)
الشعر صعب يمتص الرطوبة، المنتجات بتفضل قاعدة على السطح، وبياخد وقت طويل عشان ينشف.
بيحتاج زيوت خفيفة للترطيب زي زيت الأرجان و الجوجوبا و بذور العنب.
• نزلت نص نص أو وقفت في النص → مسامية متوسطة (Medium Porosity)
دي الحالة المثالية للشعراية، بيمتص كويس وبيحتفظ بالرطوبة، نقدر نستخدم خليط من اكتر من نوع زيت للترطيب زي زيت الأفوكادو مع الجوجوبا
• نزلت لتحت بسرعة → مسامية عالية (High Porosity)
الشعر بيمتص الرطوبة بسرعة جدًا، بس بيفقدها كمان بسرعة، وغالباً بيبقى هايش أو تالف.
بنحتاج نرطيبة بزيوت تقيلة نسبيا و جزيئاتها كبيرة علشان ترطب الشعر اطول فترة ممكنة.

الأفضل تخلطيه مع زيوت أخف زي الأرجان أو الجوجوبا بنسب أقل، عشان يمتص أسهل. الخروع لوحده ممكن يكون تقيل شوية على المسامية المنخفضة.

زيت الخروع بيتستخدم تقليديًا لتدليك المفاصل والعضلات، حمض الريسينوليك الموجود فيه ليه خصائص مضادة للالتهاب ومسكنة خفيفة، فبيخفيف الإلتهاب والألم الخفيف أو المتوسط.
استخدمي نقط بسيطة من الزيت، ودلّكي الجلد بلطف لمدة دقايق.
خلي بالك:
ده استخدام خارجي فقط، ومش بديل للعلاج الطبي لو الألم شديد أو مزمن.
مش بنستخدمه على اي جرح مفتوح.
اعملي اختبار حساسية على جزء صغير من الجلد الأول.
لو حصل احمرار أو تهيج شديد، اغسليه فورًا و وقّفي الاستخدام بالطريقة دي.

زيت الخروع و جميع الزيوت المتوفرة في ثراء ، مناسبة للإستخدام الخارجي فقط، للبشرة و الشعر و الجسم، غير مناسبة للإستخدام الداخلي بأي شكل من الأشكال.