تونيك الروزماري

خلي بالك أن تونيك الروزماري ممكن ينشف شعرك شوية، ودا طبيعي ومفيش منه قلق، عشان كدا بننصحك أنك دايمًا تدخلي في روتينك زيوت مرطبة مع مياه الروزماري، الزيوت دي زي الجوجوبا والأرجان والافوكادو.

ممكن تستخدمي الزيوت دي كحمام زيت قبل غسيل الشعر، أو كدهان يومي علي أطراف الشعر عشان تقللي من احتمالية حدوث الجفاف دا.

• تونيك الروزماري الطبيعي من ثراء يحفظ في درجة حرارة الغرفة العادية، بعيد عن أشعة الشمس المباشرة.
• ممكن تحفظيها في التلاجة، لكن بلاش في الفريزر.

• تجنبي ملامسته للعين ولو حصل اشطفيها كويس بالمياة الفاترة.
• لو حصل حرقان بسيط وأنتي بتستخدمي تونيك الروزماري، دا بسبب المركبات العطرية اللي فيها وطبيعي، لكن مهم في الحالة دي تعملي اختبار حساسية للتأكيد أن مفيش أي حساسية منها، ولو مفيش يبقى كملي استخدامها زي ما انتي واهتمي بالترطيب كويس.
• قبل ما تستخدمي تونيك الروزماري أو أي منتج تاني على بشرتك أو شعرك مهم تعملي اختبار الحساسية عشان تتأكدي إن أي منتج مناسب لشعرك ولفروة راسك ومفيش أي حساسية منه. 
  
• احفظيه بعيد عن متناول الأطفال.

لأ، تونيك الروزماري مش بيطلع شعر أبيض، ومفيش منتج عمومًا طبيعي بيسرع نمو الشعر الأبيض لأن الشيب غالبًا بيكون وراثي ومفيش حاجة بتتحكم فيه.

لكن في نظرية بتقول أنه عشان الروزماري بيطلع الشعر بسرعة، ف صبغة الشعر الطبيعية مش بتلحق تتكون، ودا بيخلي الشعر أبيض.

النظرية دي لحد دلوقتي مفيش أي دليل علمي عليها، والدليل العلمي الوحيد الموجود أنه الروزماري فعلا بيطول الشعر، لكن مالوش أي تأثير على صبغة أو لون الشعر.

الحقيقة أيوة، تونيك الروزماري ممكن شويه ينشف شعرك، لكن علاج الموضوع سهل جدًا ومن الطبيعة برضو.

دايمًا استخدمي مياه الروزماري مع زيوت مرطبة قوية للشعر، ودخليها في روتينك اليومي زي الجوجوبا والأرجان على أطراف الشعر.

الزيوت دي هتمنع الجفاف اللي ممكن يسببه تونيك الروزماري وهتخلي شعرك مترطب وصحي وقوي.

مياه الروزماري هي المياه اللي بتفضل في جهاز التقطير بعد ما بتتم عملية استخلاص الزيت من النبات، أو هي المياه اللي بيتم تحضيرها أحيانًا في البيت عن طريق أنك بتغلي النبات مع المياه المغلية على نار هادية لفترة طويلة لحد ما النبات يدبل، ولون المياه يتغير.

مياه الروزماري ليها فوايد كتير طبعا للشعر، وللبشرة وبتتميز  أنها مخففة فممكن تستخدميها بصورة مباشرة على فروة راسك، لكن تركيز المركبات العطرية في المياه بيكون أقل بكتير من الزيت، عشان كدا لو عاوزة نتيجة أفضل وأسرع وأقوى، الزيت هيكون الأنسب ليكي من المياه.

الاتنين ليهم تأثير قوي على التساقط ونمو الشعر، لكن الزيت بطبيعة الحال تركيزه من المركبات العطرية بيكون أكبر، وبالتالي تأثير ملحوظ أكتر.

تونيك الروزماري بيحتوي على مركبات عطرية برضو لكن بنسب أقل شوية من الزيت، ودا هيخليكي محتاجة تستخديه عدد مرات أكتر ولفترات أطول شوية عشان توصلي للنتيجة اللي عاوزاها.

إجابة السؤال دا بتعتمد عليكي أنتي وعلى تفضيلاتك بالأساس، لو إحساس الزيوت واستخدامها يوميًا أو أسبوعيًا على الشعر مش بيضايقك، يبقى في الحالة دي زيت الروزماري هو الخيار الأفضل لأن تركيزه من المدكبات العضوية أكبر.

لكن لو بتتضايقي من شعور الزيت، وعاوزه تستخدمي حاجة يوميًا أو مرتين في اليوم، يبقى في الحالة دي التونيك أحسن لك.