ماء الورد

ماء الورد من ثراء مناسب لكل أنواع البشرة، لأنه خالي من أي مواد كيميائية ضارة أو عطور ممكن تسبب التهاب البشرة، لكنه بيحتوي على مركبات عطرية مفيدة وفيتامينات بتعزز نضارة البشرة وتحافظ على ترطيبها.

 – مياه الورد من ثراء نقية جدًا وبتحتوي على مركبات عطرية قوية، والمركبات دا ممكن متكونش مناسبة ليكي لو بشرتك فيها حبوب ملتهبة كتيرة.

عشان كدا في الحالة دي بننصحك أنك تجربي تستخدمي ماء الورد الأول علي جزء صغير من بشرتك، وتراقبي رد فعلها، لو مفيش أي التهاب حصل يبقى مناسبة ليكي.

لو حصل أي التهاب وقفي استخدامها على طول، ورطبي بشرتك بزيت خفيف مهدئ زي زيت الجوجوبا.

• ماء الورد الطبيعي من ثراء يحفظ في درجة حرارة الغرفة العادية، بعيد عن أشعة الشمس المباشرة.ممكن تحفظيها في التلاجة، لكن بلاش في الفريزر.

• تجنبي ملامسته للعين ولو حصل اشطفيها كويس بالمياة الفاترة.
• قبل ما تستخدمي ماء الورد أو أي منتج تاني على بشرتك أو شعرك مهم تعملي اختبار الحساسية عشان تتأكدي إن أي منتج مناسب لشعرك ولفروة راسك ومفيش أي حساسية منه.
• احفظيه بعيد عن متناول الأطفال.

لو الغرض اللي بتستخدمي عشانه التونر هو ترطيب ونضارة البشرة، يبقى أيوه ماء الورد في الحالة دي بديل للتونر.

التونر هو عبارة عن منتج بيشكل جزء من روتين بشرتك بيخدم غرض معين زي الترطيب أو النضارة أو علاج الحبوب أو غيره.

التونر مش هدفه يعادل حامضية البشرة، ولا هدفه أنه يقفل مسام البشرة، لأنه الحقيقة أغلب منتجات العناية بالبشرة دلوقتي بتكون مناسبة لدرجة حامضية البشرة الطبيعية، والحقيقة برضو مفيش منتج عمومًا بيقفل مسام البشرة.

عشان كدا لو غرضك من التونر هو النضارة والترطيب يبقى ماء الورد في الحالة دي خيار مناسب جدًا، لأنه بتحتوي على مركبات عضوية بتغذي البشرة وتحافظ على نضارتها وصحتها. 

أيوة، ماء الورد بديل ممتاز جدًا لبرفان الشعر اليومي، لأن ريحتها الطبيعية القوية بتثبت أكتر من أي برفان صناعي دا هيخلي شعرك ريحته حلوة لأطول فترة ممكنة.

لو عاوزه كمان تحتفظي بالريحة دي لفترة أطول، استخدمي ماء الورد بعد دهان كمية بسيطة من زيت الأرجان على أطراف شعرك، لأنه هيساعد الريحة تفضل وتثبت لفترة كبيرة.

ممكن تستخدميها بديل للمياه الحرارية في الصيف لأنها غنية بالمركبات المفيدة والمهدئة للبشرة، واللي بتساعد تحافظ على انتعاش بشرتك، وبتقلل من الاحمرار الناتج عن التعرض للشمس فترات طويلة.