زيت جوز الهند

إزازة الزيت معتمة فبتمنع أن أشعة الشمس تأثر بشكل يضر جودة الزيت لكن من الأحسن أنه يتحفظ بعيد تمامًا عن ضوء الشمس المباشر.

-اقفلي الإزازة كويس بعد الاستخدام عشان الزيت ميحصلوش أكسدة ويفقد جودته مع الوقت

• تجنبي ملامسته للعين ولو حصل اشطفيه كويس بالمياة الفاترة.
• لو الزيت اتغير لونه أو ريحته وقّفي استخدامه.
• بلاش تستخدمي الزيوت العطرية بصورة مباشرة على الجلد وعلى فروة الرأس، لأنها ممكن تسبب لك التهابات.
• قبل ما تستخدمي الزيت على بشرتك أو شعرك مهم تعملي اختبار الحساسية عشان تتأكدي إن الزيت مناسب ليكي ومفيش أي حساسية منه.
• في حالة الحمل والرضاعة، تجنبي استخدام الزيوت العطرية من غير استشارة  الطبيب المعالج.
• يحفظ بعيد عن متناول الأطفال.

زيت ثراء معبأ في زجاجة مظلمة عشان تساعد على حماية الزيت من ضوء الشمس

من الأفضل تخزين الزيت في مكان بارد وجاف(درجة حرارة الغرفة).

ممكن حفظ الزيت في التلاجة (لكن ضروري ميكونش في درجة حرارة منخفضة جدا.

 استخدميه خلال فترة صلاحيته فقط

أيوة، السترتش ماركس بتظهر أثناء الحمل عشان طبقات الجلد بتتمدد بصورة أكبر من طاقتها، وده بيضعف الكولاجين الموجود في البشرة، وبالتالي بيسبب ظهور الأوعية الدموية تحتها، وبيخلي السترتش ماركس الحمرا تبدأ تظهر.

جوز الهند بيحافظ على ترطيب بشرة جسمك، وبالتالي بيمنع ظهور السترتش ماركس، ولو ظهرت ولسه لونها أحمر، فهو بيحسن بصورة كبيرة من مظهرها مع الاستخدام المنتظم ليه أثناء فترة الحمل، وبعد الولادة كمان.

ممكن كمان تستخدميه مع القهوة، والسكر كسكراب عشان تتخلصي من الجلد الميت، وتحافظ على بشرتك مترطبة، وتقللي السيليوليت فيها.

زيت جوز الهند من الزيوت اللي بتحتوي على نسبة كبيرة من الأحماض الدهنية المفيدة للبشرة، وكمان كونه زيت دهني فهو بيقدر يدوب الميك اب حتى المقاوم للمياه بسهولة.

عشان تستخدميه كميك اب ريموفر، وزعي نقطة لاتنين من زيت جوز الهند على بشرتك، ودلكيها بحركات دائرية لحد ما تدوب كل الميك اب، وبعدها امسحيه بمنديل أو قطعة قطن ناعمة.

اغسلي بشرتك بعدها بالغسول المناسب عشان تتأكدي من نضافة بشرتك بصورة كاملة.

أصحاب المسامية المنخفضة بيكون أفضل ليهم الزيوت اللي جزيئاتها صغيرة زي الأرجان والجوجوبا و اللوز، لكن ده مش معناه أنه مينفعش تمامًا يستخدموا زيت جوز الهند، خاصة أن فوايده كتير جدًا للشعر.

لو عاوزة تستخدمي زيت جوز الهند، ومسامية شعرك منخفضة، جرّبي أنك تعملي ميكس الزيوت الخاصة بيكي، ويكون أساسه زيت خفيف زي الأرجان أو الجوجوبا، اخلطي معاهم نسب أقل من جوز الهند، وممكن كمان تضيفي زيت عطري زي الروزماري لو عاوزه تزودي فوايد الزيوت دي وتخليها ترطب شعرك وتقلل التساقط في نفس الوقت.

فيه اختبار بسيط بتعرفي تحددي منه نوع مسامية شعرك بكل سهولة:
1- اغسلي شعرك وهاتي شعراية من شعرك المغسول وحطيها في كوباية مياه.
2- غطي  الكوباية وسيبيها من دقيقتين لـ 4 دقايق.
3- بعدها استني من 5 ل 10 دقايق وبصي على الشعراية.
– لو طفت على سطح المياه بسرعة فمسامية شعرك مرتفعة.

– لو فضلت بتغوص في آخر الكوباية فمسامية شعرك منخفضة.
– أما لو غاصت فترة وبعدين بدأت تطلع ببطئ فده معناه إن مسامية شعرك متوسطة أو معتدلة.