زيت اللافندر

-إزازة الزيت مظلمة فبتمنع تأثير أشعة الشمس على جودة الزيت لكن من الأفضل بردو حفظ الزيت بعيد عن ضوء الشمس المباشر.

-اقفلي الإزازة كويس بعد الاستخدام عشان الزيت ميحصلوش أكسدة ويفقد جودته مع الوقت.

• تجنبي ملامسته للعين ولو حصل اشطفيه كويس بالمياة الفاترة
• لو الزيت اتغير لونه أو ريحته وقّفي استخدامه.
• تجنبي الاستخدام المباشر  للزيوت العطرية على الجلد وعلى فروة الراس، لأنها ممكن تسببلك التهابات.
• في حالة الحمل والرضاعة، تجنبي استخدام الزيوت العطرية من غير استشارة  الطبيب المعالج.
• قبل ما تستخدمي الزيت على بشرتك أو شعرك مهم تعملي اختبار الحساسية عشان تتأكدي إن الزيت مناسب ليكي ومفيش عندك أي حساسية منه.
• يحفظ بعيد عن متناول الأطفال.

• زيت ثراء معبأ في زجاجة مظلمة عشان تساعد على حماية الزيت من ضوء الشمس
• من الأفضل تخزين الزيت في مكان بارد وجاف(درجة حرارة الغرفة).
• ممكن حفظ الزيت في التلاجة (لكن ضروري ميكونش في درجة حرارة منخفضة جدا.
•  استخدميه خلال فترة صلاحيته فقط

– في الجدول ده هنوضحلك طريقة التخفيف بالظبط

تركيز 1%10 مل من أي زيت عضوي زي الأرجان أو الجوجوبا أو جوز الهند.+نقطتين من زيت اللافندر.تركيز 2% 10 مل من أي زيت عضوي زي الأرجان أو الجوجوبا أو جوز الهند.+4 نقط من زيت اللافندر.تركيز 3% 10 مل من أي زيت عضوي زي الأرجان أو الجوجوبا أو جوز الهند.+6 نقط من زيت اللافندر.

زيت اللافندر من أشهر  وأقدم الزيوت العطرية في العالم كله، وهو من الزيوت اللي بتستخدم في صناعة أشهر أنواع البرفيوم العالمية، ومن الزيوت اللي كانوا قدماء المصريين بيستخدموها في التعطير، لدرجة أنه كان موجود منه في مقبرة توت عنخ آمون أول ما اكتشفوها.

ريحة زيت اللافندر المميزة بتثبت لفترات طويلة، خاصة لو الزيت نقي ومش مخلوط بأي حاجة زي زيوت ثراء، عشان كدا ممكن تستخدميه لتعطير بيتك بأكتر من طريقة منها:

• اخلطي من ٢٠-٣٠ نقطة من زيت اللافندر مع ١٠٠ ملل من المياه، ورشي منها على أساس البيت، كبديل لمعطر الجو اللي مليان كيماويات.
• كمان ممكن تزودي من ٣-٤ نقط من الزيت على قطع من القطن صغيرة، وتوزعيها في دولابك، أو في أدراج المنزل، عشان تخلي ريحتها دايما حلوة.

أة، زيت اللافندر ممكن يساعد في علاج احتقان الجيوب الأنفية، عن طريق أنه بيقلل الالتهاب اللي بيحصل فيها نتيجة التعرض لمثيرات الحساسية المختلفة في الجو.

لو عاوزة تستخدميه في الحالة دي، ممكن تستخدميه بالطرق دي:

• زودي ٤-٥ نقط من زيت اللافندر لوعاء من المياه المغلية، واستنشقي البخار اللي طالع منها.
• أو زودي ٤-٥ نقط لحمام مياه دافيه، واستنشقي البخار أثناء الشاور.

زيت اللافندر من أشهر الزيوت اللي بتستخدم لتهدئة الأعصاب وعلاج الأرق، لأنه بيحتوي على مركبات كيميائية قوية زي اللينالول وخلات اللينيل والكامفو اللي بتعمل كمهدئات طبيعية للأعصاب، وكعلاج للقلق. 

المركبات دي بتتفاعل مع الدماغ والجهاز العصبي وبتقلل الانفعالات والأرق والعصبية، وعشان كدا اللافندر بيساعد على الاسترخاء وبيخليكي تنامي بصورة أسهل. 

عشان تستخدمي زيت اللافندر للأرق ممكن تستخدميه بكذا طريقة:

• استخدميه كمرطب ومعطر للجسم، عن طريق أنك تخلطيه بزيت ناقل زي جوز الهند أو بذور العنب أو البيبي اويل، وترطبي بيه جسمك بعد الشاور وقبل النوم.
• استخدميه كمعطر للسرير، بأنك تخلطيه مع المياه وترشي منه على المخدة أو السرير قبل النوم.
• لو مش بتحبي ترشي المعطر، ممكن تستخدمي قطعة قطنة صغيرة، وتزودي عليها ٥-٦ نقط من اللافندر وتحطيها جوه غطا المخدة قبل النوم.

أيوة، زيت اللافندر ممكن يستخدم كعلاج طبيعي لحشرات فروة الراس، وفي دراسة اتعملت سنة ٢٠١١ بتثبت أنه فعلا ليه تأثير نساعد في علاج حشرات الشعر، وأنه كمان بيقدر يتخلص منها بصورة دايمة.

عشان تزودي تأثيره لعلاج المشكلة دي ممكن تخلطيه مع زيت شجرة الشاي وزيت ناقل زي الجوجوبا، وتستخدميهم كحمام زيت قبل الشاور، وكزيت حابس للترطيب على خصلات الشعر نفسه بعد الشاور.

فيه اختبار بسيط بتعرفي تحددي منه نوع مسامية شعرك بكل سهولة:

1. اغسلي شعرك وهاتي شعراية من شعرك المغسول وحطيها في كوباية مياه.
2.  غطي الكوباية وسيبيها من دقيقتين لـ 4 دقايق.
3.  بعدها استني من 5 ل 10 دقايق وبصي على الشعراية.