زيت القرنفل

مهم أنك تقفلي إزازة الزيت كويس بعد ما تستخدميه، عشان ميحصلش أي أكسدة للزيت، وجودته تتأثر مع الاستخدام والوقت.

– إزازة زيت القرنفل من ثراء معتمة ودا معناه أنها بتمنع أشعة الشمس تأثر على الزيت بشكل يغير من جودته لكن من الأفضل أنه يتحفظ بعيد تمامًا عن ضوء الشمس المباشر.

• تجنبي ملامسته للعين ولو حصل اشطفيه كويس بالمياه الفاترة.
• لو حصل ولاحظتي أي تغيير في لون أو ريحة الزيت وقّفي استخدامه.
• قبل ما تستخدمي أي نوع من الزيوت على بشرتك أو شعرك مهم تعملي اختبار الحساسية عشان تبقى متأكدة إن الزيت مناسب ليكي ومفيش عندك أي حساسية منه.
• -بلاش تستخدمي الزيوت العطرية بصورة مباشرة على الجلد وعلى فروة الرأس، لأنها ممكن تسبب لك التهاب أو احمرار.
• يحفظ بعيد عن متناول الأطفال.
• في حالة الحمل، تجنبي استخدام الزيوت العطرية من غير استشارة  الطبيب المعالج.

• زيوت ثراء الطبيعية بتوصلك في عبوات من الزجاج المعتم، ودا عشان الزيت يفضل محمي من أشعة الشمس المباشرة.
  يفضل أن الزيوت تتخزن في  مكان جاف وبارد، في درجة حرارة الغرفة، وتكون بعيدة تمامًا عن أشعة الشمس المباشرة.
• ممكن تحفظي الزيت في التلاجة، لكن بلاش تحفظيه في الفريزر.
• عشان توصلي لأفضل نتايج، استخدمي الزيت في فترة صلاحيته فقط.

زيت القرنفل من أهم وأقوي الزيوت اللي بتستخدم عشان تحفز نمو الشعر من البصيلات، لكن زيت القرنفل من ثراء من الزيوت العطرية النقية، ودا معناه أنه بيحتوي على تركيز عالي من المركبات العضوية، وعشان كدا قبل ما تستخدميه مهم أنك تخففيه بزيت ناقل زيت الأرجان أو الخروع قبل ما توزعيه على فروة راسك أو بشرتك عشان تتجنبي أنه يحصلك أي التهاب أو احمرار مكان الاستخدام.

أيوة زيت القرنفل بيحتوي على مركبات عطرية بتساعد في تنشيط الدورة الدموية في فروة الراس، وبتساعد في وصول التغذية ليها، ودا بيساعد علي نمو الشعر وعلاج التساقط.

كمان هو بيحتوي على مركبات مرطبة للشعر، ودا بيساعد في ترطيب شعرك، وبيحميه من التكسر والتقصف وبيساعده يطول بصحة.

مسامية الشعر هي قدرة الشعر على امتصاص الرطوبة من الجو والمنتجات المستخدمة على الشعر. وهي عبارة عن 3 أنواع مسامية الشعر:

1. مسامية الشعر المنخفضة: بتكون مسام فروة الشعر قليلة بشكل بيصعب امتصاص الرطوبة منه. وعشان المسام الواسعة قليلة او مقفولة، من الأفضل تستخدمي زيت جزيئاته صغيرة وخفيف
2.  مسامية الشعر المتوسطة: بتكون مسام فروة الشعر متوسطة وبتمتص الرطوبة بشكل معتدل.
3. مسامية الشعر العالية: بيكون الشعر فيه مسام أكتر وبيمتص الرطوبة بسهولة، لكن مع الأسف بيفقد ترطيبه بسرعة بردو.

فيه اختبار بسيط بتعرفي تحددي منه نوع مسامية شعرك بكل سهولة:

1. اغسلي شعرك وهاتي شعراية من شعرك المغسول وحطيها في كوباية مياه.
2.  غطي الكوباية وسيبيها من دقيقتين لـ 4 دقايق.
3.  بعدها استني من 5 ل 10 دقايق وبصي على الشعراية.